Bugtongbugtong

1. Aling dahon sa mundo,
ang iginagalang nang tao?

sagot: bandila

2. Isda ko sa Maribeles,

nasa loob ang kaliskis.

sagot: sili

3. Kundi lamang sa bibig ko,

ay nagutom ang barbero.

sagot: gunting

4. May buhay walang hininga,
may kamay walang paa.
Bilog ang porma niya,
may bilang sa mukha niya.

sagot: orasan

5. Hindi tao, hindi hayop,

bumabalik kung itapon.

sagot: yoyo

6. May alaga akong hayop,

malaki ang mata kaysa tuhod.

sagot: tutubi

7. Binili ko nang mahal,
isinabit ko lamang.
 
sagot: hikaw

8. Mga munting insekto lamang sila,

ngunit sa tulungan idolo sila.

Hakot dito, hakot doon,

kahit maliit ay ipon ng ipon.

sagot: langgam

9. Bahay ni Kiko,

walang bintana,

walang pinto.

sagot: itlog

10. Ate ko, ate mo,

ate nang lahat nang tao.

sagot: atis

11. Korona ng hari,

nasa ulo palagi.

sagot: bayabas

12. May ulo, walang tiyan;

may leeg, walang baywang.

sagot: bote

13. Halamang hindi nalalanta,

kahit na putulan pa.

sagot: buhok

14. Bumili ako ng alipin,

mataas pa sa akin.

sagot: sumbrero

15. Kung kailan ko pa iginapos,

saka pa naglibot.

sagot: sapatos

16. Bulaklak muna ang gawin,

bago mo ako kainin.

sagot: saging

17. Mapagabi, mapaaraw

walang tigil ang pagdaldal,

ngunit kapag nakainisan,

atin namang napapatay.

sagot: radyo

18. Nakakahong bahaghari,
ang kulay ay sarisari.

sagot: krayola

19. Dalawang kuweba,

hangin lamang ang pumupunta.

sagot: ilong

20. May lungga akong nalalaman,

iisa lamang ang pintuan,

tatlo naman ang lalabasan.

sagot: damit

21. Binalangkas ko ng binalangkas,

bago ko inihampas.

sagot: turumpo

22. Ang ulo'y nalalaga,

ang katawa'y pagalagala.

sagot: sandok

23. Isang prinsesa,

nakaupo sa tasa.

sagot: kasoy

24. Baston na hindi mahawakan,

sinturong walang paggamitan.

sagot: ahas

25. Kahit hindi tayo magkaanoano,

ang gatas nang anak ko,

ay gatas din anak mo.

sagot: baka

26. Binatak ko ang baging,

bumuka ang tabing.

sagot: payong

27. Gupitin mo ma'y hindi namamatay,

maputol man ay patuloy na nabubuhay.

sagot: kuko

28. Isang reynang maraming mata,

nasa gitna ang mga espada.

sagot: pinya

29. Yamang galing sa ilalim,

kumikinang kahit kulimlim.

sagot: ginto

30. Hindi tao, hindi hayop

puro hangin ang laman ng ulo.

sagot: lobo

31. Nakakalakad ako sa lupa,

nakakalangoy din ako sa sapa,

nakakalipad din ako ng kusa.

sagot: gansa

32. Balat niya'y lunti,

buto niya'y itim,

laman niya'y pula.

sagot: pakwan

33. Tumanda nang nuno,

takot pang maligo.

sagot: pusa

34. Tubig sa ining-ining,

hindi mahipan nang hangin.

sagot: niyog

35. Bola ko sa kisame,

lumiliyab tuwing gabi.

sagot: ilaw

36. Bahay ni Kaka

hindi matingala.

Nasa taas ko na,

hindi ko pa nakita.

sagot: noo

37. Oo nga't pagong,

nasa ilalim ang bubong.

sagot: bangka

38. Mas mahaba kung nakatayo;

mas mataas kung nakaupo.

sagot: aso

39. Tubig na pumapatak sa labis na dusa.

Tubig na dumadaloy sa labis na ligaya.

sagot: luha

40. Lagi siyang kinukwentuhan,

di naman nakikipagsagutan.

sagot: mikropono

41. Bumubuka'y walang bibig,

ngumingiti nang tahimik.

sagot: bulaklak

42. Walang diprensya ang mga paa,

lumpo pa rin sa tuwituwina.

sagot: mesa

43. Maliit pa si Nene,

marunong na manahi.

sagot: gagamba

44. Hindi hari, hindi pari,

magdamit ay sarisari.

sagot: sampayan

45. Hindi tao, hindi hayop,

buto't balat nakalilipad.

sagot: saranggola